Fjósó

Alltaf eru Hranastaðir jafnyndislegir.  Komum heim í gærkvöldi eftir náðuga daga í Eyjafirðinum.  Reyndar tókst Hallgrími að handleggsbrjóta sig á föstudaginn en þar fyrir utan gekk ferðin stórslysalaust fyrir sig.  Eða sko, Arnar bóndi datt niður úr stiga á laugardaginn og gat varla gengið fyrir verkjum en að öðru leyti gekk þetta mjög vel;)

Við skoðuðum Smámunasafnið sem var nú ekkert smá heldur rosalegt safn.  Svo átum við yfir okkur af Holtselshnossi í Holtseli en þar eru til 1000 uppskriftir að ís og margir sjúklega góðir.

Á sunnudaginn fórum við á sveitamarkað, í lautarferð og á Greifann og svo í frekar dapurlegt tívolí.

Í gær kíktum við svo á gamla bæinn í Laufási og svo brunuðum við í bæinn.  Sem sagt, tær snilld.

Lítið annað að segja, myndir og meira síðar.

Athugasemdir

[Sóla (IP-tala skráð) 8.8.2010 kl. 22:39]

Það verður gaman að sjá myndirnar...jag ventar og ventar :)