Ásta Laufey Aðalsteinsdóttir

25.4.2010 | 14:04

Fínasta íþróttahelgi

Ég byrjaði á hlaupi í gærmorgun eftir að hafa tekið ákvörðun um að vera ekki í nógu góðu formi til að hlaupa með í Vormaraþoninu. Svo klúðraði ég massamikið með því að tala ekki við Sólu bólu af því ég hélt hún væri ekki vöknuð svo við vorum einhleypar og einmana hvor í sínu lagi. Ég hljóp sem leið lá vestur í bæ og mætti fullt af súpergóðum hlaupurum, Björn Margeirs var þar fremstur í flokki en hann sigraði í sínu fyrsta maraþoni og lauk hlaupinu á 2:38 sem er náttúrulega fáránlega góður árangur.

Svo hitti ég íðilfagra vatnsbera við Ægisíðu og eftir orkuhleðslu hjá þeim hljóp ég um vesturbæinn og svo á móti hálfmaraþonsfólkinu. Agga, Guðrún, Munda, Svava og skrilljón aðrir Laugaskokkarar og svo auðvitað Eva og Þórólfur stóðu sig rosalega vel, Agga hin nýborna gerði sér lítið fyrir og bætti besta tímann sinn í hálfu.

Ég var svo stressuð þegar Agga var að koma í mark að myndatökur fóru fyrir ofan garð og neðan en hér eru tilraunirnar til að taka myndir af henni:)

Greinilega gæðaljósmyndari hér á ferð LoL

Svo gafst ég bara upp og tók eina af henni þar sem hún þóttist hlaupa og það tókst betur.

Sko, fínasta mynd.

Svo var það að bruna heim því Hallgrímur var að keppa í fótbolta og gekk súpervel, þeir unnu Hauka 2-1.

Í morgun var það svo Skaginn og mót þar og gekk liðinu hans Benedikts rosalega vel, gerðu eitt markalaust jafntefli og unnu hina tvo svo nú eru bara allir glaðir.

Kv.

Ásta íþróttaálfur

Flokkur: Bloggar | Breytt s.d. kl. 14:09 | Facebook